Tulukkat ikilisarneqarput
Ukiut kingulliit makku ukiaanerani ukiortaallu kinguninngua tulukkat amerlasoorsuanngorlutik takkussuuttarput tassalu assigiinngitsunut akornutaalertarlutik, Sisimiut Kommuniani qimminik nakkutilliisoq David Møller oqarpoq.
David Møller oqaluttuarpoq, nammineq suleqatinilu tulukkanik ilanngartuisarlutik.
- Nungusarneq ajorpavut killilersimaarniarpavulli, annertuumik akornuaalertarmata.
- Kisianni nammineq qimminik nakkutilliisutut suliakka amerlivallaaraangata angummanneq ajulerlunga, allatut ajornalertarami, kisianni immikkut iliuuseqarluni. Taamaammat inunnik pingasunik tuluagarniarsinnaanermut immikkut allagartartaartitsiniarpugut. Taakku arlaannik ilisarnaateqassapput, kisianni aamma illoqarfimmioqatigiikkatta kikkut sulerisuunersut ilikkartarpugut, Sisimiut Kommunianni qimminik nakkutillisoq David Møller, oqarpoq.
Tulukkanik ikilisaasussat illoqarfiup iluani aallaasersornisamut politiinit akuersissummik qinnuteqassapput. Tulukkat isigaat illugiit 10 koruuneqartinneqarput.
Aasiaat kommuniat aamma illoqarfimmi tulukkanik ajornartorsiuteqartarpoq. Kommunip tulukkat isigaannut akigititat ukiut marluk matuma siorna qaffappai, isikkat illugiit 25 koruuneqalersillugit, illoqarfiup avataani tulugarniartartunut marlunnut pingasunut iluaqutaasumik.