Tuluk sikumi golfernermi siuttunngorpoq
Ice golf2 240306 unnukkut neg
Uummannami sikumi arsaararluni golferluni nunarsuarmi pissartanngorniunneq ullumi aallartippoq.
Peqataasut 13-t nunatsinnit Australiamut aggerfillit saviminermik anaatserlutik arsaaraq sungaartoq aappaluaartoq putunut 18-inut ikinnerpaanik periarlutik ullumi ikiniarmassuk, arfernup qeqqalersoq paasinarsivoq Tuluit Nunaanneersoq Luke Merry siuttunngorpoq Jason Cunninghamimit Australiameersumit malisungaannarneqarluni.
Radioavisip aallartinnginnerani inernerit allat pissarsiarisinnaasimanngilagut.
Tusagassiortut nunanit tamalaaneersut arlallit golfernermik unammersuarnermut malinnaajartorlutik Uummannamut tikissimapput. Allaat Brasiliami Rio-meersut, 40-inik kiattuminngaanniit 20-inik issittumut malinnaajartortut.
Unamminersuarnermik aaqqissuisoq Henrik Holm oqaluttuarpoq Danmarksradiop P3-anit unnuaannakkut sianerfigitissimalluni toqqaannartumik aallakaatitsinermi peqataaqqulluni, allaallu BBC tutsiussimasoq.
Sikumi arsaararluni unammersuarnerup Uummannaq nunarsuami tusaamasaalersimmagu aaqqissuisut neriupput takornariaqarnermut iluaqutaajumaartoq.
Isgolf aqagu sapaammi nangissaaq putut 36-iusut affai 18-it kingulliit ikisiniarfigineqassallutik. Inernerit www.golfonice.com-imi malinnaavigineqarsinnaapput.
