Tuluk sermersuarmi ajunaarpoq

Tuluit pingasut tunumit kitaanut sermersuaq itivinniarlugu, sapaatit akunnerat ataaseq matuma siorna pisuinnarlutik aallarput. Ippassarli tassa pitseqqamik aqqusaarneqarlutik.

Politiit siullermik ippassaq ualikkut pisuttunit nalunaarfigineqarput nalunaaqutaq ulloqeqqariartortoq, aqqarngup qaangilaaraa. Nalunaarutigalugu tupertsit oqquiffitsik uppittoq, imermillu nerisassanillu aamma annaasaqarsimallutik nalunaarlutik, sulili ajoratik amma nalunaarutigalugu.

Tasiilami politiit sillimasuutitaanit, Taatsi Fleischerimit oqaatigineqarpoq, Tuluit pisuttut  ernumananngikkaluart sillimalluaraluartullu, aammalu aatsaat misiliilinngitsut.

Politiit Tulunnit ippassaq ualikkut nalunaarfigeqqinneqarput, qerussulersimallutik taamaattumillu inuunerminnik ulorianartorsiorlutik nalunaarlutik. Politiilli ikiuiartorsinnaasimanngillat piterarnera pissutigalugu.

Politiilli sermersuarmik itiviiniartunut allanut radiokkut attaveqarput, taakkuli aamma qanoq iliuuseqarsinnaasimanngillat, tassa anorersuarnerani taakku imminnut annanniarlutik apummut imminnut matoorussimagamik.

Politiit aatsaat ippassaq unnukkaa qanoq iliuuseqarsinnaasimapput, qulimiguulimmillu S-61-mik annaassiniartitsillutik aallartitsillutik.

Tuluit pingasut tikinneqarneranni ilaat ataaseq qiulluni toqoreersimavoq ilaallu qerussorsimaqalutik.