Tuluit ukiuni 13-ini suliumajunnaarneranni annerpaaq: Nerisassanut akissaqanngitsut

Tuluit Nunaani sulisartut akit qaffakkaluttuinnarnerannit ilungersuatinneqarput, ulluinnarnilu pisariaqartinneqartunut ilai akissaqanngillat, suliniaqatigiiffinnullu akeqanngitsunik nerisassanik tunnioraasunut aallertariaqartarlutik.

Nutaarsiassaqartitsivik AFP taama allaaserisaqarpoq.

Akissarsiat qaffanneqarnissaat piumasaralugu sulisartut halv milliuuninik amerlatigut suliumajunnaarput.

Kattuffiit ataatsimoorlutik kattuffiat Trade Unioq Congresss naapertorlugu ukiuni kingullerni 13-ni aatsaat taamat amerlatigisut suliumajunnaarput.

Suliumajunnaartunut ilaapput ilinniartitsisut qimuttuitsunlu aquttut. Suliumajunnaartoqarnerani atuarfiit matuneqarput pisortat angallassissutai pissusissamittut ingerlajunnaarlutik

Sulisartut erseqqissaatigaat, ukiuni kingullerni aningaasat procentinik qulinik nalikilliartorneranni akissarsiat nungupallattartut, AFP taama allaaserisaqarpoq.

Tuluit Nunaani aningaasat naleerukkiartornerannut eqqugaasunut ilaavoq 31-nik ukiulik Ellie Clarke. Taanna allaffeqarfissuarmi atorfilittut sulivoq.

Taanna tuluit tusagassiorfiannut Sky Newsimut oqaluttuarpoq, akissarsiani ikingaarmata angerlarsimmaffeeruteriaannnaalluni.

- Piitsuulluta inuuvugut. Ikinngutivut ilagalugit nereqatigiissinnaanngilagut isiginnaartitsisarfiliarsinnaanatalu, Allie Clarke oqarpoq

Tuluit Nunaani qaammmatini kingullerni suliumajunnaartoqartarpoq.

Suliumajunnartunut ilaapput, peqqissaasut, ambulanceni sulisut qimuttuitsuni sulisut akissarsiamik qaffanneqarnissaat piumasaralugu suliumajunnaarput.