Tuluit sisamat Ruslandimit anisitaasut

Ruslandip tuluit aallartitaqarfiani sulisut sisamat maannakkut Ruslandimiit anisippai, Tuluit russit aallartitaqarfianni inunnik sisamanik sulisuusunik anisitsereernerisa kingunerisaanik akissuteqarnerminni. Taamatut Moskvami nunanut allanut ministereqarfik paasissutissiivoq.

Tuluit russit allartitaqarfianni sulisut sisamat ataasinngormat anisippaat, russit Andrej Lugovoj, tuluit nunaannut tunniukkumanngimmassuk, tuluit Andrej Lugovoj pasivaat kilitsissiaasimasumik Aleksander Litvinenkomik toqutsisimasutut.

Tuluit aallartitaqarfimmi sulisuinik inunnik sisamanik anisitsinermi saniatigut Ruslandip tuluit atorfilittaanik visa-nik aningaasanik tigusissutinik sanaassisarnini unitsippai, taamatut nunanut allanut ministereqarfimmi oqaaseqartartoq oqarpoq.

USA-p nunanut allanut ministeria, Condolezza Rice-p Rusland ullumi kajumissaarpaa toqutsisutut unnerluutigisaasoq kilitsissiaq Tuluit Nunaannut tunniuteqqullugu tassani eqqartuussisulersuunneqarniassammat. Taamatut Condoleezza Rice, tuluit TV-qarfianut Sky Newsimut oqarsimavoq, Ruslandip tulunnik aallartitaqarfimmeersunik aalajangivilluni anisitsinngitsiarnerani.