Tuluit nunatsinnik soqutiginninnerulerput

Nunarput takornarianit ornigarneqarluartarpoq, soqutigineqarnerulersutullu ippoq, Tuluit Nunaanni tusagassiortut takornariartarnermik sammisaqartut nunatsinni angalasimanilikkersaartarlermata.

Tusagassiortup Tuluit Nunaanneersup Alex Leithip Kangerlussuarmiit Ilulissanut angalanilikkersaarnera aviisersuarmi The Independentimi sapaatip-akunnerani kingullermi allaaserineqarpoq.

Alex Leith tusagassiortullu allat nunatta Tuluit Nunaanni takornariaqarnikkut inuussutissarsiornikkullu sapaatit-akunneri pingasut qaangiuppata ussassaarinissaanut atatillugu takornariarnissamut qaaqqusaasimavoq.

Alex Leithip allakkamini sermersuaq immikkut taasarialittut alutornarnerarpaa. Kangerlussuup timaaniissimapput Ilulissanilu sermip nakkaavia aamma alakkarsimallugu.

Aammattaarli sermilerlugu vodkatorsimanilersaarlunilu taarsinerani arsarnernik takusimanilikkersaarpoq.

Alex Leithip allaaserisamini nunatsinnukarusuttut nunatsinni takornariaqarnermut inuussutissarsiornermullu siunnersuisoqatigiinnut saaffiginneqqullugit kaammattuivoq.