Tuluit nunanut allanut ministeriata Naalagaaffiit Killiit isornartorsiorpai

Tuluit nunanut allanut ministeriat, David Milliband aviisimut, The Guardianimut ullumi oqarpoq, Naalagaaffiit killiit peqqarniisaarnianut akiuiniarnerminni toqoraaginnaraluarunik iluaqutaanavianngitsoq.
Allattoq Mads Lynge
januaarip 15-at 2009 18:00

- Inuit ajungitsunut ajortunullu immikkoortitertillutigit ajortumeeriniat imminnut kattussuutsiinnarpavut, David Milliband ilaatigut oqarpoq.

USA-mi Obamap præsidentinngunngitsiarnerani præsident Buship manna tikillugu peqqarniisaarnianut akiuniarnermini periuserisaanik sakkortuumik tamanna isornartorsiuineruvoq.

Labourip ministeriunerutinnikuusaata, Tony Blairip Bushimik tapersersuinikuunera, tuluit akornanni nuannarineqanngilluinnartoq suli Tuluit Nunaanni sulisartut partiiata sanngeequtigaa.

Taamaammat nunanut allanut ministerip oqaasii, aamma Tony Blairip politikkerinikuusaanik isornartorsiuinerummata, Obamap præsidentinngoruni nunanut allanut politikkeriniagaa neriulluarnarnerulersoq, The Guardianip politikkikkut aaqqissuisoqarfiani pisortaq oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq