Tuluit Nunaanni innuttaasut coronavirusimik qaammaatit pingajuata qeqqa matuma siornatigut akiuussusersorneqalernerat iluatsikkiartortutut isikkoqalerpoq.
Tuluit coronavirusimut siorna decembarip ulluisa arfineq-pingajuanni akiuussusersuilerput.
Tuluit Nunaanni innuttaasut 66 millionit missaanniipput, maannamullu 17 millioninit amerlanerusut siullermik kapitereersimallutik. Tuluit Nunaanni innuttaasut ataatsimut isigalugu pingajorarterutaasa missaat maanna akiuussusersorneqarsimapput.
AAMMA ATUARUK Tuluit 15 millionit akiuussuserneqarsimanissaannik anguniagaq iluatsikkiartortoq
Tuluit Nunaanni innuttaasut Europami nunat akornanni akiuussusersorneqarnerpaapput. Nunarsuaq tamakkerlugu isigigaanni Israelimi De Forenede Arabiske Emiraterinilu inuit amerlanerit taamaallaat akiuussusersorneqarsimallutik.
Tuluit Nunaanni ministeriunerup Boris Johnsonip nunap taassuma ammariartoqqinnissaanut pilersaarummik ullumi ataasinngornermi saqqummiussinissaa ilimagineqarpoq.
Isummersuutit