Tuluit Nunaannit uumasut immuillu nutaat avammut assartoqqujunnaarpaat

Tuluit Nunaanni London-ip kujataata´kitaani nersussuaatillit ilaata nersussuaatai qulliarnermik nappaalalersimapput, tamannalu pissutigalugu EU-Kommissionip, Tuluit Nunaanniit uumasut tamaasa, neqit immuillu nutaat ilanngullugit nunanut allanut assartoqqujunnaarpai eqquteqqusaajunnaarsillugit.

Nersussuit qulliarnermik nappaateqalersimasut sap. akunnera kingulleq paasineqaannartut EU-Kommissioni Tuluit Nunaanniit uumasunik neqinik immunnillu nutaanik annissueqqusiunnaarpoq.

Tuluit Nunaanni oqartussaasunik isumaqatiginninniareernikkut qulliarnermik nappaalaffiup eqqaa tamaat matuneqarallarpoq nersussuarnik, savanik savaasanillu avammut annissueqqusaajunnarlugit, anissueqqusiunnaarneq nunap sinneranut aamma atuutsinneqarpoq, taama paasissutissiivoq, Philip Todd, EU-Kommissionimi oqaaseqartartoq.

Tuluit nunaanniit nersutinik neqinik immunillu anissueqqusiunnaarneq suli atuukkallassaaq.

EU-mi inuussutissalerinermik ilisimasallit pingasunngorpat naapissapput, inuussutissaqarnermut nersutillu peqqissusaanik nalilersuisarnermut komité malittarisassat atorneqartussat nalilersussavaat.