Tuluit Nunaanniit Danmarkimut timmisartuussinissaraluit taamaatittut

Tuluit Nunaanniit Danmarkimut nalunaaquttap akunnerini 48-ni tulliuttuni timmisartuussinissaraluit tamaasa taamaatipput. Tuluit Nunaanni coronavirusi allanngortumik kinguaassiortoq Danmarkimi siaruatsaaliniarlugu taamaatipput.
Tuluit Nunaanniit Europami nunanut arlalinnut timmisartuussinissaraluit taamaatinneqareersullu timmisartut London Heathrow Airportimi nunamiiginnarput. Assi © : RitzauScanpix
Allattoq Helle Nørrelund Sørensen
decembarip 21-at 2020 08:06
Nutserisoq Hanne Petersen

Danskit peqqissutsimut ministeriat, Magnus Heunicke, Twitterikkut taama ilisimatitsivoq.

Coronavirusi allanngortumik kinguaassiortoq nutaaq Danmarkimi siaruatsaaliniarlugu timmisartuussinissaraluit taamaatittut, Heunicke ilisimatitsivoq.

Tuluit Nunaanniit timmisartuussinissaraluit ullumikkut ataasinngornermi nalunaaqutaq quliniit nalunaaquttap akunnerini 48-ni matuneqarput.

AAMMA ATUARUK Ilulissat: Inuit arfinillit covid-19-mik tunillatsissimapput

Tuluit Nunaanni coronavirusi allannguuteqarsimasoq peruluutaarpasittanngilaq. Coronavirusimilli ilisimaneqareersumit tuniluutilertornerusoqartoq, Danmarkimi naalagaaffiup nappaatinut akiuussutissaliorfia Statens Serum Institut ilisimatitsivoq.

Tuluit Nunaanniit Tysklandimut, Hollandimut, Belgiamut, Frankrigimut Italiamullu timmisartuussinissaraluit coronavirusi allanngortumik kinguaassiortoq nutaaq aamma pissutaalluni taamaatipput.

Tuluit Nunaanniit Frankrigimut timmisartuussinissaraluit saniasigut qimuttuitsunik umiarsuarmillu nalunaaquttap akunnerini 48-ni tulliuttuni angallassinissaraluit aamma taamaatipput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq