Tuluit Nunaanni qinersinerup inernera suli utaqqineqarpoq

Tuluit Nunaanni inatsisartunut qinersinerup kingorna inernerit kisinneqaleruttorput. Partii konservativet amerlanerussuteqarnissaat ilimagineqarluaraluartoq inatsisartunut qinersinemi ajugaasutut taaneqarsinnaasumik toqqaarsoqarsinnaanngitsoq, nutaarsiassaqartitsivik Ritzau nalunaarpoq.
Allattoq Jaaku Lyberth
maajip 07-at 2010 09:07

Tuluit Nunaanni inatsisartut inissat 650-iusunit konservatiivit inissat 282-it pivaat maannakkut naalakkersuisuutitaqartut Labour ministeriunermit Gordon Brow-imit siuttoqartut inatsisartuni inissat 227-t pissarsiaralugit. Liberaldemokratit Nick Clegg-imit siuttuuffigineqartut taakkua inissat 49-t pissarsiaraat.

Tuluit inatsisartuini underhuset-imi amerlanerussuteqarniaraanni inissat 326-t pissarsiarineqartariaqarput, taakkkualu partiit qinigassanngortitaqartut angusimanngilaat, tamannalu siullermik ukioq 1974-imi nalaanneqarpoq, dr dk.

Tuluit Nunaanni inatsisartunut qinersinermi partii ataaseq amerlanerussuteqanngimmat tamanna qaammatini tulliuttuni ulapiffiussaaq, nutaarsiassaqartitsiviullu Ritzauip Tuluit Nunaanni nalilliissartut oqaloqatigisai malillugu qinerseqqittoqarsinnaaneranik kinguneqarsinnaavoq

Tuluit Nunaanni inatsisartunut qinersinermi qinersisartut 67 procentii qinersiartorput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq