Tuluit Nunaanni ministereqarfiit sipaarniartussanngorput

Tamannalu assigiinngitsumik qisuariarfigineqarpoq.

Sulisartut peqatigiiffii soorunami ernumapput inuimmi 600.000-it tikillugit soraarsitaarataannaapput. Taamarsuaq sipaarniartoqassappat ministeriaqarfinni ingerlatsisoqarsinnaanersoq oqaaseqartartunit apeqqutigineqarpoq. Taamarujussuaq sipaarniartoqartillugu ministeriaqarfiit kiffartuussisinnaanerat apeqquserneqarpoq.

Minnerpaamik 25 procentinik 40 procentinillu tikillugu sipaarniartoqassasoq oqaatigineqarpoq, taamaaliornerlu aannertuumik iliuusaavoq.

Suut naammassiuminarsagaalissapput taamaasiornerli aamma soraarsitsinermik ilaqartarpoq.

Sipaarniuteqarnikkulli Labourip aallartitaasa ilaat unitsiinnarneqartussaapput, soorlu atuarfiliortiterneq. Atuarfiit suliarineqartussat 700-it suliarinissaat unitsiinnarneqassaaq. Politiillu 20.000-it tungaanut soraarsinneqartussaapput. Tuluillu tamanna tupinnanngitsumik annilaarutigeqaat.

Sungiusimaneqartut uneralerpata sakkortuumik iliuuseqartoqariaannaavoq, inuiaqatigiinni eqqissiviilliortoqalersinnaavoq pikitsitsisoqalersinnaallunilu.

Naalakkersuisut suna avalaffiginerlugu ilisimavaat pinngitsoornatilli sipaarniuteqartariaqarlutik - aammalumi taamaaliorniarlutik. Navialinartumulli avalapput inuillu isumaat uniornaveersaaqqissaarlugu ingerlaniartussanngorput.