Tuluit Nunaanni inatsit akerleriissutaasoq
Taamaalilluni ajortumeeriniatut pasineqartut ulluni 42-ni, unnerluutiginngikkaluarlugit eqqartuussisunullu sassartinngikkaluarlugit,
politiinit paarnaarusimaneqarsinnaanngorput.
Inatsit innuttaasut akornanni sakkortuumik isornartorsiorneqarpoq.
Taamaalilluni, Gordon Brownip inatsisissatut siunnersuutertik assigiinngitsunik isummersorfigineqaqisoq iloqissiorlunilusooq inatsisartuni akueritippaa.
Aviisinili ullumi saqqummertuni inatsisissaq nuannarineqanngeqaaq, The Guardianimi kanngunartutut allaatigineqarpoq, The Timesimi kiffaanngissuseerunnermik taaneqarpoq, ministeriunerullu nammineq partiiani, Labourimi ippassaq akerliullutik taasisut tunniutiinnarnaviaratik nalunaarput.
Inatsisissaq maanna inatsisartunut qaffasinnernut akuerisassanngorlugu ingerlateqqinneqassaaq, tassanilu eqqartuussisut inatsisilerituullu ilaasortaapput, taakkualu inatsimmut akerliunissaat ilimagineqarpoq.
