Tuluit Nunaanni coronavirusimik toqquteqartut 20.000-it sinnerpaat

Tuluit Nunaat Europami coronavirusimik eqqugaanerpaat ilaanniippoq.
Nualluummik coronavirusimik toqquteqartut Tuluit Nuaanni oqartussat oqaatigissaannit marloriaataasut, Financial Times allappoq. Assi © : Tiocfaidh ár lá 1916/Flickr Creative Commons
Allattoq Ritzau
apriilip 25-at 2020 15:15

Tuluit Nunaata napparsimmavissuini coronavirusimik toqquteqartut 20.000-it ullumi arfininngornermi sinnerpaat. BBC Tuluit Nunaanni peqqissaaveqarfik NHS naapertorlugu taama paasissutissiivoq.

Taamaalilluni nualluummik coronavirusimik toqquteqartut 20.319-inngorput.

Englandimi toqusut 18.084-iupput. 711-it ullup ataatsip ingerlanerani toqquteqarsimasut nalunaarutigineqarpoq.

Skotlandimi 47-ut nualluummik toqquteqarsimasut, Skotlandimi naalakkersuisoqarfik paasissutissiivoq. Walesimilu 23-it toqquteqarsimasut, nutaarsiassaqartitsivik Sky News paasissutissiivoq.

Kisitsit napparsimmavimmi toqquteqartuneersuupput

Taamaalilluni Skotlandimi napparsimmaveqarfinni toqquteqartut 1231-inngortut Walesimi 774-it nualluummik toqquteqarput. Kisitsit napparsimmavimmi toqquteqartut kisiisa takutippaat.

Tassani isumassuiffinni najugallit ilanngunneqanngillat. Toqquteqartut katillugit qassiunersut kisitsisaatigineqanngilaq, tusindtilikkaajussagunartulli ilimagineqarpoq.

Nualluummik coronavirusimik toqquteqartut Tuluit Nuaanni oqartussat oqaatigissaannit marloriaataasut, Financial Times kisitsisitigut paasissutissat naapertorlugit sapaatip akunnerata aallartilarnerani paasissutissiivoq.

Piffissami tassani toqquteqarsimasut 41.000-it sinneraat, Financial Times allappoq.

Taamaalilluni Tuluit Nunaat Europami coronavirusimik eqqugaanerpaat ilaanniilerpoq.