Tuluit nuimasut pingasut mamianartuliortut

Tuluit Nunaat naalakkersuinikkut mamianartuliamik suli ataasiarluni nalaanneqarpoq.

Naalakkersuisuutitaqartuni Labourikkunni siornatigut ministeriusimasut nuimasut pingasut nuanniitsumik pissusilersortut isertortumik filmiliarineqarsimapput, tassa politikkikkut sunniuteqarniarnertik akilersinnialeruttoraat filmiliarineqarsimammata.

Tuluit Nunaanni tv-kkut aallakaatitassiami unnugu aallakaatinneqartussami politikerit arlaqarnerusut taamatut iliortarsimasut paasineqarnissaat ilimagineqarpoq.

Ministeriusimasut pingasut taakkununga ilaalluni Stephen Byers tusagassiortunit Amerikami suliffeqarfimmut sinniisuusaartunit sianiinaarneqartut politikerillu aningaasanik akiliillutik qanoq politikkikkut oqartussaassuseqalersinnaanerannik oqaluttuartitsipput.

Taxamut assingupajaarpunga, ullormut sullissinera pundinik 5000-inik akilerlugu attartorneqarsinnaavoq, Stephen Byers, siornatigut angallassinermut ministeriusimasoq oqarpoq. Iliuuseqarnerillu mulungaanngillat. Tusagassiorfiit naalakkersuinermilu illuatungiliuttut aalassassimaarput.

Labourimi siornatigut ministeriusimasoq imminut taxamut assersuuttoq tamanullu peqqusersusaartoq, taamaattoqarsinnaanngilaq, Konservativit pisortaat David Cameron oqarpoq.

Channel 4-imi piviusumik tunngaveqarluni aallakaatitassiap unnugu aallakaatinneqartussap tungaanut naalakkersuisuutitaqartoq Labour imminut tuppallersarpoq. Aallakaatitassiaq ministerinut tigumatuunut tunngasoq paasissutissanik pikkunarluartunik imaqartussaq aviisi The Times suleqatigalugu suliarineqarpoq.

Aningaasaqarnermut ministerip Alistair Darlingip filmiliarineqarsimasut ullumi tupaallaatigai.

Suleqatima sunaakua aamma eqqarsaatigisimagaat? Taamaattunit sianerfigitikkaanni soorunami telefoni ilipallakkaanni pitsaanerussaaq. Assuarnartuliornerup taamatut ittup qanoq atugaatiginera pillugu misissuisoqartariaqarpoq, Alistair Darling oqarpoq.

Inatsisinik unioqqutitsinerugaluarpat unioqqutitsinerunngikkaluarpalluunniit tuluit tusagassiorfii isumaqarput tamanna isornaatilerujussuusoq amerlaqisullu isumaqarlutik Labourip qinerseqqajaalernermi periarfissaanik mamianartuliornerullunilu aseruiumaartoq.

Aallakaatitassiaq piviusulersaarut ministerit tigumatussusiannik qulaarsisoq unnugu Tuluit Nunaanni aallakaatinneqassaaq. Aallakaatitassialli aallakaatinneqannginnerani pasineqartut unioqqutitsisimanertik miserratigaat, DR-imit taama ilanngutassiisoqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat