Uku angutit tassapput, Tuluit nunaanni brexit pillugu isumaqatiginninniartartoq David Frost (saamerleq) aamma EU-mi isumaqatigiinniartartuni pisortaq, Michel Barnier. Taakku isumaqatigiissinnaanngippata, EU-p Tuluillu nunaata akornanni akitsuutit assigiinngitsut ukiortaamiit atuutilissapput. Assi: Pool/Reuters.Assi: Foto: Pool/Reuters

Tuluit ministeriat: Brexit pillugu isumaqatigiissuteqartariaqarpugut

EU-p Tuluillu nunaata siunissamut isumaqatigiinnissaminnut piffissaarutiliivipput, tuluit avatangiisinut ministeriat oqarpoq.

EU Tuluit nunaallu isumaqatiginniarnermigut sapaatit akunnerini aggersuni alloriassapput, taamaanngippammi isumaqatigiinniarsinnaanngitsut, tuluit avatangiisinut ministeriat, George Eustice, Sky Newsimut oqarpoq.

Illuatungeriit isumaqatigiissinnaanngippata, EU-p Tuluillu nunaata akornanni akitsuutit assigiinngitsut ukiortaamiit atuutilissapput.

Tuluit nunaat januaarip naalernerni EU-miit anivoq, isumaqatigiissutillu ukiortaap tungaanut europami niuffaffinnut atuukkallartinneqarlutik.

- Qulequttat assigiinngitsut sapaatip akunnera ta ataatsip ingerlanerani isumaqatigiissutiginiartariaqarpagut, Eustice oqarpoq.

- Minnerpaamik qulequttanik isumaqatigiissutinilluunniit pilersitsisariaqarpugut.

- Taamaanngippat ajornakusoortujussuanngussaaq. Isumaqatiginninniarnissamullu piffissaarulluinnaliivilluta, taanna oqarpoq.

EU-mi isumaqatigiinniartartuni pisortaq, Michel Barnier, nutaamik isumaqatiginninniarluni ataasinngormat Londonimukarpoq, tuluit naalagaaffianni isumaqatiginninniartartoq, konservativeneersoq, David Frost peqatigalugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat