Tuluit kunngikkormiui: Harry Meghanilu asaneqartuaannassapput
Dronning Elisaberth ilaqutaallu tamaasa tuluit nunaanni kunngikkormiut, prins Harryp nuliatalu hertuginde Maghanip, Ophrah Winfreyimit tv-kkut uissuumminartumik apersoneqarnerannut tunngatillugu qisuariaateqarput.
Aappariit qanoq atugaqarsimanerminnik oqarluttuarnerat, Tuluit Nunaanni kunngikkormiut illuanniit ajuusaarutigalugu nalunaarutigineqarpoq.
- Harryp Meganillu siorna misigisimasaannut tunngatillugu ilaqutariit tamarmik ajuusaarput.
- Harry Meghan Archielu ilaqutariinnit qaqugumulluunniit asaneqartuaannassapput, nalunarummi ilaatigut taama allapput.
Ammip qalipaataanik isumakuluttut
Meghanip apersorneqarnermini ilaatigut oqaatigaa, Archiemut erninissani sioqqullugu, meerassaata amiata qanoq taartiginissaa kunngikkormiunit isumakuluutigineqartartoq.
Tamannalu peqqutaalluni prinsitut taaguuteqanngitsoq, Meghan oqarpoq.
Taassumalu oqarnera aamma naapertorlugu, tuluit nunaanni tusagassiuutitigut ajortuinnangajannik nutaarsiassiisoqartarnerata, inoorusukkunnaarneranik ilaatigut kinguneqarsimasoq.
Taamaammallu kunngikkormiut aqqutigalugit ilisimasalimmik ikiortissarsiorpoq, kunngikkormiulli isigineqarnerat innarlerneqassammat ikiorneqarsinnaasimanngilaq.
