Tuluit ingerlariaqqinneq ajulersut ikiorserneqalerput

Tuluit amerlaqisut nunarsuarmi sumi tamaani ingerlariaqqissinnaajunnaarsimasut Tuluit Nunaannut uteqqinnissaat qulakkeerniarlugu tuluit naalakkersuisui maanna sulinialerput.

Tuluit ingerlariaqqissinnaajunnaarsimasut 200.000-init amerlanerusut ilaquttaminnut suliffimminnullu uteqqinnissaat qulakkeerniarlugu maanna Gordon Brownip umiarsuit sorsuutit atornialerpai.

Umiarsuit Arco Royal aamma HMS Ocean Frankrigimut ikerasakkut ingerlatissavavut tuluit 1.000-ilikkuutaat angerlariarsinnaajunnaarsimasut ingerlaqqinnissaat qulakkeerniarlugu, Gordon Brown oqarpoq.

Sorsuutilersorneq alutornartoq tamanna annertussutsimigut sorsunnersuarmi kingullermi Dunkerquemi qimarngussinermut eqqaanarsinnaavoq, taamani sakkutuut iligiiaat tulunnit sakkutuunit umiartortunit isumannaarlugit inissinneqarmata.

Tuluit Nunaannut ikerasaap saniatigut Gordon Brownip oqaatigaa, Spaniap præsidentia Zabatero tuluit USA-minngaaniit Asiaminngaanniillu ingerlariaqqissinnaajunnaarsimasut Spaniami katersuuffiliornissaat pillugu tulunnit isumaqatigiissuteqarfiginiarneqartoq.

- Aqqut maannakkorpiaq Europamut aqqutigineqarsinnaasoq Spaniakkoorpoq, suleqatigiinnissarlu qulakkeerumavarput, tuluit angerlamut aqqutissaqarniassammata, Gordon Brown oqarpoq.

Sakkutuut imarsiortut suliassaata saniatigut tuluit umiarsualiviisa sullissisinnaanerat annertusarneqarpoq qimuttuitsullu Euro Star-it Kanalimi immap naqqata ataatigoortut ingerlaartartut amerlisinneqarlutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat