Tuluit inatsisartunut qinersisussanngortut

Tuluit inatsisartui tuluit decembarip ulluisa aqqaneq-aappaanni qinersinissaannut siunnersuummut tapersiipput. Taasinermi 438-t tapersiipput 20-llu akerliliillutik.
Tuluit nutaarsiassaqartitsiviisa allaaserisaat naapertorlugit Tuluit Nunaanni taama pingaaruteqartigisumik kingullermik qinersisoqarmat ukiut qulikkuutaat qassiit matuma siorna pivoq. Assi © : Ho/AFP/Ritzau Scanpix
Allattoq Ritzau
oktobarip 30-at 2019 14:57
Nutserisoq Hanne Petersen

Tuluit decembarimi qinersisussanngorput.

Tuluit inatsisartuisa ataatsimiittarfissuanni nalunaaquttap-akunnerini arfinilinni oqallittoqareersorlu tamanna nalunarunnaarpoq, tuluimmi inatsisartuini ilaasortani 438-it decembarip ulluisa aqqaneq-aappaanni qinersinissamut tapersiimmata, massa 20-t akerliliisut.

AAMMA ATUARUK Tuluit aviisii: Inatsisartunut qinersinissaq oqaluttuarisaanermi aalajangiisuussaaq

Tuluillu nutaarsiassaqartitsivii arlallit allaaserisaat naapertorlugit Tuluit Nunaanni taama pingaaruteqartigisumik kingullermik qinersisoqarmat ukiut qulikkuutaat qassiit matuma siorna pivoq.

Tuluit Nunaata EU-mit aniniarnerata ukiuni pingasuni piviusunngortinneqarsinnaasimanngitsup timitalerneqarnissaanut tapersiisut amerlanerussuteqaratarsinnaammata qinersineq pingaaruteqartorujussuusussaavoq.

Partiilli Tuluit Nunaata EU-mit aninissaa pillugu innuttaasunik qinersititserusuttut aamma amerlanerussuteqarataannaapput.