Tuluit Inatsisartuisa siulittaasuat ullumi tunuarpoq

Tuluit Nunaanni Inatsisartut siulittaasuat, Michael Martin, atorfimminit tunuassalluni ullumi aalajangerpoq. TV-qarfiit BBC-ip Sky Newsillu tamanna nalunaarutigaat.
maajip 19-at 2009 08:59

Michael Martin sapaatip akunnerini kingullerni assut nanertuuteqarpoq, aningaasartuuteqarpallaarsimaneratami partiit Labour Konservativillu assut eqqorpai.

Inatsisartunut ilaasortat tunngaveqanngitsumik aningaasartuutaasa pisortatigoortumik saqqummiunnissaannut Michael Martin arlaleriarluni akornusersuisarsimammat assut isornartorsiorneqartarpoq.

Inatsisartut siulittaasuannik ukiut 300-t sinnerlugit ingerlaneranni aatsaat tunuartoqarpoq.

Aningaasanik atornerluisimaneq Tuluit Nunaanni aviisimit, The Daily Telegraphimit, paasinarsarneqarpoq, tassanilu ersersinneqarpoq, akiligassanik eqqumeeqqinnaanik politikerit nassitsisarsimasut, soorlu tamponginik pisianiit pornomik filmilianut tunngasunut, taavalu angerlarsimaffimmik iluarsartuussinernut akisoorsuit, tamakkulu tassa tuluit akileraartartut akilersortarsimavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq