EU-p Tuluit Nunaatalu isumaqatigiissusiornissaannut sammisaq ataaseq suli aporaaffiuvoq. Taanna aalisakkanut tunngavoq.Assi: Tiocfaidh ár lá 1916/Flickr Creative Commons

Tuluit EU-mut aalisakkanik amerlanerusunik perusuttut

Aalisagartassanut niueqatigiinnissamut Tuluit Nunaata EU-llu isumaqatigiissusiornissaanut killigititaq qangalili qaangiuppoq. Sulili isumaqatigiissusiortoqanngilaq.

Isumaqatigiissusiortoqanngimmat isumaqatiginninniarneq sapaatit akunnerata matumani nanginneqassaaq. Tuluit Nunaata EU-p inatsisaanut pituttorsimajunnaarluni ikaarsaariarnissaanut ullut 31-nanngorput.

EU-p Tuluit Nunaatalu isumaqatigiissusiornissaannut sammisaq ataaseq suli aporaaffiuvoq. Taanna aalisakkanut tunngasuusoq nutaarsiassaqartitsivik Ritzau allappoq.

Taanna unammilligassani annerpaasoq tuluit nunanut allanut tunngasunut ministeriarat Dominic Raab oqarpoq.

- Aalisarneq tunngaviusumik uatsinnut suliassaavoq. Inatsisitigut ikaarsaarneq qaangiuppat naalagaaffinngussaagut namminersortoq, taamaalillutalu imartatsinni pissutsit nammineerluta aqutarissaallutigit, Raab nutaarsiassaqartitsivimmut Sky Newsimut sapaatiummat oqarpoq.

EU-p Tuluit Nunaannut tuluit imartaani aalisarneqarsinnaasut 18 procentii pisarineqarsinnaanngorlugit tunniunniarpai. Tuluilli 80 procentit piumavaat.

- Naapertuilluarnerua? Uagut imartatta aalisagaasa 18 prcentiinnai aalajangiisinnaaffigissagivut. Tamanna ilumoorsinnaanngilaq, Raab oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat