Prins Harryp Meghanillu kunngikkormiusut suliaminnit tunuarniuteqarniarnertik sapaatip-akunnerata siuliani nalunaarutigaat, kiffaanngissuseqarnerunissartik ujartorlugu kunngikkormiusut akisussaaffimminnit pituussaarneqarnissartik kissaatigaat.Assi: Pool New/Reuters/Ritzau Scanpix

Tuluit dronningiat kunngikkormiuni ajornartoorfik aaqqinniarlugu ataatsimiigiaqqusisoq

Tuluit Nunaanni kunngikkormiuni ajornartoorfik aaqqiiffiginiarlugu ataasinngornermi ataatsimiinneq tuluit oqaluttuarisaanerannut pingaaruteqassasoq, BBC-ip allaaseraa.

Tuluit Nunaanni kunngikkormiuni ajornartoorfik aaqqiiffiginiarlugu dronning Elisabeth oqaloqatigiittoqarnissaanut aggersaavoq.

Tuluit Nunaanni tusagassiorfiit arlallit soorlu The Guardian BBC-lu taama allaaserisaqarput.

Prins Harry nulialu Meghan uissuummissutigineqartumik nalunaaruteqareersullu dronning Elilsabeth oqaloqatigiittoqarnissaanut aggersaavoq.

Prins Harrymmi Meghanillu kunngikkormiusut suliaminnit tunuarniuteqarniarnertik sapaatip-akunnerata siuliani nalunaarutigaat, kiffaanngissuseqarnerunissartik ujartorlugu kunngikkormiusut akisussaaffimminnit pituussaarneqarnissartik kissaatigaat.

AAMMA ATUARUK Meghan Canadamiippoq Harrylu aaqqiissuteqaqataaniarsaraluni

Dronningi ilisimateqqaarnagu taama aalajangersimasut, Tuluit Nunaanni tusagassiorfiit arlallit allaaseraat.

Alloriarnissap tullia sunaassanersoq, prins Harrylly Meghanillu siunissami qanoq inissisimanissaata qulakkeerneqarnissaa, dronningip oqaloqatigiinnikkut aaqqiivigissagaa neriuutaavoq. BBC taama allaaserisaqarpoq.

Prins Harry ataasinnngornermi ataatsimiinnermi peqataassaaq. Prins Charles Prins Williamilu aamma peqataassapput.

Meghan maanna Canadamiittoq, oqarasuaatitigut attaveqaatitigut aamma peqataassaaq. Tuluit Nunaanni tusagassiorfiit arlallit taama allaaserisaqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat