Pfizerip nakorsaataata EU-mi atorneqarsinnaasutut akuerineqarnissaa pillugu Pfizer maanna qinnuteqarpoq. Akiuussutissap nunatsinni piaarnerpaamik neqeroorutigineqarsinnaanissaa, Danmarkip peqqissutsimut ministeriata Magnus Heunickep tusagassiortunik qanittukkut katersortitsinermi aamma neriorsuutigaa.Assi: Paul Ellis/AFP/Ritzau Scanpix

Tuluit coronavirusimut akiuussutissamik nunani killerni siullersaallutik kapitissinnaalissasut

Tuluit siullersaallutik nakorsaasiorfissuit Pfizerip Biontechillu akiuussutissaliaannik sapaatit akunnerata tulliani kapitissinnaalissapput.

Nakorsaasiorfissuit Pfizer BioNtechilu coronavirusimut akiuussutissaliaat Tuluit Nunaanni immikkut ittumik akuerineqarpoq. Akiuussutissaq taamaasilluni sapaatit-akunnerata tulliani atorneqarsinnaalissaaq.

Tuluit naalakkersuisuisa tusagassiutinut tamanna nalunaarutigaat.

Nakorsaat pineqartoq atorneqarnissamut immikkut ittumik akuerisaavoq, assersuutigalugu nakorsaatit EU-mi akuerineqartarnerannut naleqqiullugu periutsit allat atorneqarlutik. Nakorsaatit EU-mit, taamalu Danmarkimi nunatsinnilu atorneqarsinnaanissamut akuerineqarnissaat pillugu periutsit nalinginnaasut atornagit immikkut ittumik akuersisoqarpoq.

Utoqqaat illuini najugallit, peqqinnissaqarfimmi utoqqaallu illuini sulisut taavalu utoqqaat inuillu allat coronavirusimik napparsimalersinnaanissamut qaninnerusut akiuussutissamik kapineqarnissamut siullertut neqeroorfigineqassapput.

AAMMA ATUARUK Peqqissutsimut ministeri: Tamat coronamut akiuussutissamik neqeroorfigineqassapput

Pfizerip nakorsaataata EU-mi atorneqarsinnaasutut akuerineqarnissaa pillugu Pfizer maanna qinnuteqarpoq.

Europami nakorsaatinut aqutsisoqarfik EMA tamanna pillugu decembarip ulluisa 29-anni aalajangiiumaartoq EMA-p marlunngornermi oqaatigaa.

Danmarkimi innuttaasut akornanni siulliit akiuussutissamik aappaagu januaarimi kapitissinnaanissaat ilimagineqarpoq.

Akiuussutissap nunatsinni piaarnerpaamik neqeroorutigineqarsinnaanissaa, Danmarkip peqqissutsimut ministeriata Magnus Heunickep tusagassiortunik qanittukkut katersortitsinermi aamma neriorsuutigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat