Tuluit Canadalu niuernikkut isumaqatigiissusiortut

Isumaqatigiissut niuernermi piumasaqaatit maanna atuuttut assigalugit isumaqatigiissutaavoq, allanilli aamma isumaqatigiinniarniarput.
Boris Johnson
Boris Johnson Justin Trudeau-lu isumaqatigiissummik video-kkut ataatsimiinnerminni atsioqatigiipput. Assi © : Ritzau Scanpix
Allattoq Ritzau
novembarip 22-at 2020 18:30

Tuluit nunaata EU-mit peqataajunnaarnissaanut piffissaq sivisujunnaartorlu, Tuluit Nunaat Canadalu ukiortaamiit EU-p piumasaqaatai malillugit niueqatigiiginnarniarlutik ippassaq isumaqatigiissuteqartut, Tuluit naalakkersuisui nalunaarput.

- Isumaqatigiissut akuerineqarpoq. Nunat taakku marluk maanna EU-mi isumaqatigiissutigeriigaat atuinarlugu, tassa 164 milliardit koruuninik aningaasartaqarpoq. Allanilli aamma isumaqatigiinniarniarpugut, tuluit niueqatigiinnermut naalakkersuisoqarfia, taama allappoq.

Tuluit ministeriunerat, Boris Johnson Canadallu ministeriunera Justin Trudeau, isumaqatigiissummik video-kkut ataatsimiinnerminni atsioqatigiipput. Taakkua aamma nunat marluullutik niunermik isumaqatigiissutissaat aappaagu atuutilertussaq pillugu isumaqatigiinniarnerit aallartinneqassasut isumaqatigiissutigaat.

- Isumaqatigiissutitsialaavoq, Johnson oqarpoq.

AAMMA ATUARUK Nunarput Tuluit Nunaallu aalisarnermut tunngasuni suleqatigiiginnassasut

Tuluit nunaata Canada qaninnerpaamik peqatigigaa niuernerlu ingerlalluareersoq ingerlalluaannassasoq ministeriuneq aamma oqarpoq.

Tuluit nunaata Canada annertunerpaamik niueqatigisarpaa, taassunga USA, Kina, Mexico, Japanilu tulliullutik.

Aamma nunatta Naalakkersuisui novembarip qulingiluaani Tuluit nunaannut aalisarneq pillugu isumaqatigiissummik atsioqatigiipput.