Tuluit aningaasaqarnermut ministeriat tunuarpoq
Tuluit Nunaanni naalakkersuisunngortut sapaatit akunnerini arlalialunnguaannarni atuutereerlutik mamianartuliamit siullermit eqqorneqartut, Reutersimi allaaserinnittoqarpoq.
Allattoq Elisa Isaksen
Aningaasaqarnermut ministerinngorlaaq Liberaldemokratiusoq David Laws, ministeriunerminit ingerlaannartumik atuutilersumik tunuarpoq, aningaasanik atuipilussimasutut unnerluutigineqarnermi kingornagut.
Akileraartartut aningaasaataannik atuipilussimaneranut unnerluussummi pineqartut, aviisimit Daily Telegraph-imit tassaanerarneqarput tuluit pundii 40.000 koruunit - tassa 350.000 koruunit missaat - taakkua angutip aapparisami illuanut akiliutigisimavai.
Danny Alexander Liberaldemokratineersoq maanna aningaasaqarnermut ministerinngorpoq.