Tuluit aallartitaat 80-it Rusland-imit anisinniarneqalerput

Tuluit aallartitaat 80-it Rusland-imiit anisinneqarnissaat Rusland-ip pilersaarutigaa, Rusland-ip naalagaaffiata isertortumik paasiniaasartuisa sisamasut tuluit nunaannit ippassaq anisinneqarnerisa kingorna. Taamatut nalunaaruteqarpoq tuluit TV-ikkut nutaarsiassaqartitsiviat Sky.

Tuluit Nunaata Rusland-illu akornanni isumaqatigiinnginnerujussuup ilungersunarnera pillugu Danmarks Radiop Moskva-mi tugassiortuata Poul F. Hansen-ip imatut nassiuarpaa:

Nunat taakkua marluk arlaannaalluunniit nakkaannarusunngilaq, tunuatungaanili susoqarnersoq sunillu aalajangiisoqarnersoq paasisinnaanngilarput.

Qaammatit kingulliit ukiullumi kingulliit ingerlaneranni Rusland-ip tuluillu nunaata taamatullumi Europap akornanni najummassimanartorsiorneq annertuneruliartorsimavoq, ersittumillu isumaqatigiinngittarnerit annertunerulersimallutik.

Rusland uuliasiornikkut milliard-inik iluanaaruteqartarpoq, Europallu kitaamiuvinit ajorluinnartumik pissusilersorfigineqarluni, naak taamaliortussaagaluarluni Poul F. Hansen Danmarks radiop Moskvami ilanngutassiortua oqaluttuarpoq.

Rusland Sovjetunionen-imik taaguuteqarallarami naalagaaffiusimavoq pissaanilissuaq maannakkullu europaminiunit nunallu kitaaneersunit pissaanikitsutut pissusilersorfigineqarpoq tamannalu russit akuerisinnaangilluinnarpaat, Danmarks Radio-p Moskvami tusagassiortua Poul F. Hansen oqaluttuarpoq.