Arfanniat arferup neqaanik mattaanillu tulaassuisarfigisimasaat Savalimmiuniittoq, nutarterlugu katersugaasivinngortinniarneqalerpoq.
Arfanniat tulaassuiffigisarsimasaani Nunani avannarlerni kisiartaalluni Savalimminiittoq suli napavoq.
Arfernik tulaassuisarfik ataasituaq, Australiami Albany-mi suli piuvoq, taamaammallu arfanniat tulaassuiffigisimasaat Savalimmiuniittoq, napaannarnissaa aammalu katersugaasivinngornissaa anguniarlugu suliniaqatigiinnik pilersitsosoqarpoq.
Arfernik tulaassuisarfik Norskit illulioriaasiat malillugu 1905-imi sananeqarsimavoq. Taamanersuarlilu arferit 5200-t Savalimmiuni arfanniaqarfimmut tulaassorneqartarsimapput. Aatsaat 1980-ikkuni aningaasarsiutigalugu arfanniartarneq inerteqqutaalermat atorunnaarsimalluni. Arferup orsua suliffeqarfissuarni atugassatut uulianngorlugu suliarineqartarsimavoq.
Arfanniat Norskiinerusut tuluillu tassunga tulaassuisarsimapput. Amerlanerpaatigut tikaagulliusaat, tulaassorneqartarsimapput. Ilaannikkulli aamma kigutilissuit tikaagulliusaarnallu tulaassorneqartarsimapput.