Umiarsuup pituutarsui qajannaarsorluaqqagaluartut kittorarput, tamannalu misissuiffigaat.Assi: Royal Arctic Line

Tukuma Arctikap pituutai kittorartut

Savalimmiuni anorersuarmat talinnganermini pituutai kittorarput, inunnik ajoqusertoqanngilaq kinguaattoorporli.

Royal Arctic Linep umiarsuaataa Tukuma Arctica 179 meterisut takissusilik, Savalimmiuni illoqarfiit pingaarnersaanni Torshavnimi, sakkortuumik anorersuarnerata kingunerisaanik talittarfimmi ippassaq unnukkut talinnganerani pituutarsui kittorarput.

Umiarsuarlu umiarsualivimmi sannikarluni inissisimasoq, umiarsuaatileqatigiiffik tusagassiuutinut nalunaarpoq.

Umiarsuaq Aarhusimut arfininngornermi ullaakkut ingerlaqqittussaagaluarpoq, pisorli pissutigalugu kinguaattoortussanngortoq, Royal Arctic Line nalunaarpoq.

Ullumikkut misissorneqassanngitsoq

Aarhusimi nassiussanik tigusisussat pisumit eqqorneqartut nassiussat qaqugu tigussaneraat ataasinngorpat ilisimatinneqassapput.

Sila atoruminarseriarpat umiarsuaq aqqartartumit misissorneqassaaq, ajoqusersimanersorlu nalilersuiffigineqassalluni.

Misissuinerli ullumikkut pisinnaanngitsutut naatsorsuutaavoq.

- Misissuinerup sapaatip ingerlanerani pisinnaanissaa naatsorsuutigaarput, umiarsuaatileqatigiiffik taama paasissutissiivoq.

Pisumi inunnik ajoqusertoqanngilaq uuliamillu aniasoqarsimaneranut maannakkorpiaq takussutissaqarani.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat