Tujuuluaqqat qinersinissaq pillugu quiasaarutitallit
Partii Inuit danskillu erfalasuat, Siumut Sumut-nngortillugu, IA-p naalersarnera allaanerulaartunngortillugu, kiisalu 'Atassut, er det slut) kalaallisuunngorlugu Atassut, tassa?). Tassalu Nuummi atisaarniarfiup qineqqusaarnermut quianartumik ilanngussaqarniarluni suliaritissimasai.
- Ajortumik isumaqanngilagut. Quiasaarinertut isigiinnartariaqarpoq, Nønnemik piginnittoq Morten Nordal tujuuluaqqat nutaat pillugit oqarpoq.
Tujuuluaqqanik politikerit pillugit quiasaarutitalinnik isumassarsiaq nutaajunngilaq. Atisaarniarfik siornatigut tujuuluaraliortitsisimavoq 'Pal-Lee'-mik allannilimmik, kung-fortartup Brucep Leep kiinaa Palle Christiansenip kiinanik taarserneqarsimalluni. Aamma tujuuluaraliortitsisimapput allannilimmik 'Siumut back to the future'.
Rene-Design Nuummiittoq Nønnep tujuuluaraliaanik titartaasuullunilu naqiterisuuvoq.
- Tujuuluaqqat nutaat ukioq ataasingajassuaq toqqorsivimmiitippagut. Qinersineq suaarutigineqarmat tunisaalerput, Morten Nordal oqarpoq, aamma Partii Inuit ilanngunnissaat iluatsissimavaat.
Politikeriinullu maluginiarneqanngitsoorsimanngillat.
- Politikerit qisuariarfigaat, tujuuluaqqallu nutaat illaatigiinnarpaat, Morten Nordal oqarpoq.