Tuiisap Atuarfiani 3.B-mi atuartut ajugaapput
Paamiuni Tuiisap Atuarfiani 3. B-mi atuartut 20.000 koruuninik pisuunnguallapput. Peqqinneq pillugu Paarisa-p nuna tamakkerlugu unammisitsinerani taakku ajugaapput, atuarfimmi nerisat peqqinnartut pissanganartullu pillugit siunnersuusiorlutik.
maajip 02-at 2008 05:29
20.000 koruunit eqqukkamik saniatigut atuartut neqeroorfigineqarput igasumik peqateqarlutik ulloq ataaseq igaffimmiissinnaasut, takorluukkatik nerisassat peqqinnartut pissanganartullu misilillugit sanasinnaassallugit.
Nuummi Friskole-mi 2.klasse-mi atuartut normu 2-nngorput, 8.000 koruuninnallutik, tassanilu aamma 1.klasse-mi atuartut normu 3-nngorput 4.000 koruuninnallutillu.
