Tui qaqutigoortoq Nuummut mittoq
Tui qaqutigoortoq Amerikap avannarpasissuani uumasuusoq aqqutissaminit nigorluni qasoqqaqaluni kaaqalunilu Nuummi timmissanut nerukkaaviit ilaannut mittoq, apriilip aqqarnganni takuneqarpoq.
Allattoq Louise M. Kleemann
Timmiaq taanna qaqutigoortoq ukiut hunnorujut kingulliit ingerlaneranni pingasoriaannarluni nunatsinni takuneqarsimavoq.
Tui kaassimaqaluni minnermi kingorna akunnerni marlussunni pukulussinnarluni aatsaat qasuersaalersimasoq, Pinngortitaleriffimmit allaaserineqarpoq.
Naqitsiniiserfik Davis Strædemiittoq, tuip aqqutissaminit tammarneranut peqqutaassangatinneqarpoq.
Tui taanna sapaatip akunnerata missaa Nuummiissimassangatinneqartoq, Pinngortitaleriffiup nittartagaani allaaserineqarpoq.