Tuberkulose Nunavimmi suli ajornartorsiutigineqarpoq

Nunavimmili Inunnut nuannersunik aamma nutaarsiassaqarpoq. Inuit 10.000-t akornanni tuberkulosemik napparsimasut 21-t ukiormanna paasineqarsimapput, siornamulli naleqqiullugit ikinnerupput.
juulip 01-at 2013 10:46

Nunaqarfik Salluit najugaqartut eqqugaanerpaapput. Aammali nunaqarfinni Umiujami Kuujjuarmilu eqqugaasoqarsimavoq.

Nunavimmi peqqinnissaqarfiup eqqugaasimasut katsorsarpai, saniatigullu aamma inuit 60-it missaat tuberkulosertunut attuumassuteqarsimasurt nakkutigalugit.

Nunavik Nunavullu nunarsuarmi sumiiffiit tuberkulosep siaruariartorfiusut ikitsuinnaasut ilagaat. Nunavimmi Nunavumilu eqqugaasut amerlassusaat ukiuni marlussunni kingullerni qaffariarsimapput. Nunavimmili ikiliartortutut maanna isikkoqalerput. 

Nunavimmi peqqinnissaqarfiup tusagassiorfinnut oqaatigaa, eqqugaasut taama amerlatiginerannut ineqarniarnikkut pissutsit ajorluinnartut pissutaasut. Inuimmi amerlasuut inimi silaannarissarneqanngitsumi isugutattumilu akunnerpassuarni nallukattarlutik ikiarooqatigiillutilluunniit tattoqilliuullutik isersimaqatigiittarmata. Eqqugaasimanertik malussarfigigaangamikku sivitsoraangat aatsaat katsorsartinnialersarput.

Nunavimmi peqqinnissaqarfimmi pisortap, Minnie Greyip, Radioaviisimut oqaatigaa, suli suliassarpassuaqartoq, pissutsilli pitsaanerusumut saakkiartorneri aamma nuannaarutigalugu.