USA-mi præsidentimut qinersinerup isumannaassusaanut tunngasunik eqqunngitsunik oqaaseqarsimanini pillugu Krebs soraarsitaasoq Trumpip oqaatigaa.Assi: Mandel Ngan/AFP/Ritzau Scanpix

Trumpip USA-p isumannaallisaanermi pisortat ilaat soraarsikkaa

USA-p qarasaasiatigut attaveqaatitigut isumannaatsuunissamut pisortaata soraarsitaaqqammertup, Chris Krebsip, qinersinermi peqquserluttuliortoqarsimaneranik Trumpip oqaasii arlaleriarluni apeqqusernikuuai.

Qarasaasiatigut attaveqaatitigut isumannaatsuunissaq attaveqaqatigiinnermullu USA-mi allattoqarfiup Cisap pisortaa Chris Krebs, USA-p præsidentianit Donald Trumpimit soraarsitaavoq.

Præsidenti inoqatinut attaveqaatitigut Twitterikkut taama nalunaaruteqarpoq.

USA-mi præsidentimut qinersinerup isumannaassusaanut tunngasunik eqqunngitsunik oqaaseqarsimanini pillugu Krebs soraarsitaasoq Trumpip oqaatigaa.

Qinersinermi peqquserluttuliortoqarsimaneranik Trumpip oqaasii Chris Krebsip arlaleriarluni tamanut apeqqusernikuuaa.

Twitterikkut allagaqarnikkut arlaleriarluni taamaaliortarsimavoq.

- Amerika, taasinissi isumannaatsuunerat qularutiginngilarput, aamma illit tatiginnittariaqaraluarputit, Krebs novembarip ulluisa 13-ianni allappoq.

AAMMA ATUARUK Donald Trumpip taasinernik kisitsineq unitsikkusukkaa

Qinersinerup qarasaasiatigut isumannaatsuunissaa Cisap isumagivaa. USA-mi præsidentimut novembarip ulluisa pingajuanni qinersineq USA-p oqaluttuarisaanerani aatsaat taama isumannaatsigisoq, USA-mi naalagaaffiup allattoqarfiisa assigiinngitsut sapaatit-akunnerata siuliani sisamanngornermi oqaatigaat.

Allattoqarfiit taama nalunaaruteqarnerat Trumpip iluarinngilaa, Chris Krebsillu soraarsitaanissani ilimagalugu suleqatiminut arlaleriarluni oqaatigisimagaa oqaatigineqarpoq.

Præsident Donald Trumpip demokratimut Joe Bidenimut ajorsarnini suli nassuerutiginngilaa. Biden præsidentimut qinersinermi ajugaasutut novembarip ulluisa arfineq-aappaanni nalunaarutigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat