USA-p præsidentia Donald Trump Kalaallit Nunaannik pisinissaminik neqerooruteqarnerata kingorna nunarsuarmit tamarmi maluginiarneqarpoq.Assi: Jim WATSON / AFP

Trumpip tapersersortai T-shirtimik nunatsinnik USA-mi naalagaaffiulersitsinermik assitalimmik nioqquteqartut

USA-p præsidentiata Donald Trumpip  Kalaallit Nunaannik pisiniarluni neqerooruteqarnera USA-mi republikanerit partiivisa ilaannit atorluarneqapallappoq.

Nittartakkami Donald Trumpip ukiup tulliani præsidentimut qinigassanngortinneranut aningaasanik katersuiniarnermi atorneqartumi,  tujuuluaraq T-Shirts taleqanngitsoq, amerikap nunataata assinganik  Alaska ilanngullugu nioqqutigineqarpoq. 

Taassuma allaanerussutigivaa, nunap assingata talerpiatungaani Kalaallit Nunaata assinga ilanngunneqarsimammat amerikap naalagaaffiattut ilaasutut. 

Kalaallit Nunaata assinga amerikamiut erfalasuata aappaluttortaanik  qalipaasersorneqarsimavoq. 

 

- Support President Trump and his effort to help America grow!

-  Præsident Trumpip Amerikap anginerulernissaanik iliuuseqarneranik tapersersuigit, republikaanerit nittartagaanni taama allassimavoq,  atuartartutillu kaammattorpaat, tujuuluaqqamik sanatitsissagunik ikinnerpaanik $25 dollarsinik koruuninngorlugit 175 koruunik ikiseqqullugit.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat