Trumpip qineqqusaarnerani allattoqarfimmik aqutsisoq qaammatini 47-ni parnaarussassanngortinneqartoq

USA-p præsidentiata Donald Trumpip præsidentimut qineqqusaarnerata nalaani allattoqarfimmik aqutsisorisimasaa Paul Manafort, qaammatini 47-ni parnaarussassanngortinneqarlunilu 50.000 dollarinik akiliisussanngortinneqarpoq.
Manafort, Trumpip qanigisaasa akornanni pinerluuteqarsimasutut pineqaatissinneqartut siulliit ilagaat. Assi © : Victoria Pickering/Flickr Creative Commons
Allattoq Ritzau
marsip 08-at 2019 10:20
Nutserisoq Mads Lynge

Tassa ukiuni sisamangajanni parnaarussassanngortinneqarlunilu 330.000 koruunit missaannik akiliisisussanngortinneqarpoq.

69-inik ukiulik Paul Manafort, akileraarutinik peqquserluuteqarsimasutut unnerluussutini tallimani siorna aggustimi pisuutinneqarpoq, aningaaserivimmilu peqquserluuteqarsimasutut unnerluussutini marlunni aamma pisuutinneqarluni, soorlu aamma nunami allami aningaaserivimmi kontoqarnini pillugu ilisimatitsissuteqarsimannginnermut pisuutinneqartoq.

Iliuuserisimasani kanngusuutigalugit, Manafortip eqqartuussivimmi ippassaq sisamanngornermi nammineq nassuerutigaa. Aviisi The New York Times taama allaaserisaqarpoq.

Paul Manafort, Trumpip 2016-imi qineqqusaarnerani qineqqusaarnermut allattoqarfimmi ukioq taanna maajimi atorfinitsinneqarpoq, juunilu aqutsisunngorluni.

Manafort, Trumpip qanigisaasa akornanni pinerluuteqarsimasutut pineqaatissinneqartut siulliit ilagaat.