Assi: AP/RITZAU

Trumpip Nunatta tunineqarnissaata itigartitsissutigineqareerneratigut tikeraarnissani kinguartikkaa

USA-p præsidentiata, Donald Trumpip Danmarkimut septembarip aappaanit pingajuannut tikeraarnissani kinguartippaa.

Tamanna Nunatta USA-mut tunineqarsinnaanissaanik periarfissanik oqallisiginninnissamut ministeriunerup, Mette Frederiksenip (S) itigartitsineranik pissuteqarpoq.

Præsidenti Twitterikkut danskit nalunaaqutaat malillugu pingasunngornerup unnuaani taama allappoq.

- Danmark nunaavoq immikkuullarilluinnartoq innuttaasugissaartorlu, ministeriunerulli Mette Frederiksenip Kalaallit Nunaanik tunisissamik oqallisiginninnissamut soqutiginninnginnera pissutigalugu sapaatit akunneri marluk qaangiuppata naapinnissaraluarput piffissamut allamut kinguartippara, Donald Trump allappoq.

Amerikamiut præsidentiata Kalaallit Nunaannik pisiniarnermini – pingaartumik qeqertap issittumi inissisimanera pinngortitamilu isumalluuteqarnera pissutigalugit ”aaqqissuussaanikkut soqutiginninnini” sapaatiummat uppernarsarpaa.

Tamatumalu oqallisigineqarnissaa ministeriunerup, Mette Frederiksenip piffissami tassani Nunatsinni tikeraartup itigartitsissutigilluinnarpaa.

- Kalaallit Nunaat tuniniagaanngilaq. Kalaallit Nunaat danskiunngilaq. Kalaallit Nunaat kalaaliuvoq. Neriuppunga tamanna ilumoorullugu oqaatigineqanngitsoq, ministeriuneq amerikamiut soqutiginninnerannut tunngatillugu oqarpoq.

Trumpillu tamanna Twitterikkut pingasunngornerup unnuaani itisiliilluni akissuteqarfigaa:

- Mette Frederiksenip ”toqqaannarmigut aningaasartuuterpassuassanik aamma USA-mut Danmarkimullu pisarissersuutissarpassuarnik sipaaruteqartippaatigut”.

- Tamanna pillugu qujassuteqarfigaara siunissamilu tikeraarnissamut nutaamik piffissaliinissamut qilanaarpunga, præsident allappoq.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat