- Illarnaannarpoq aappaatigut, paasiuminaallunilu nunarput qanoq akilerlugu pisiarerusussinnaaneraa, naliitsuugami. Immaqa USA vakassagaluarparput, Josef Joelsen oqarpoq.Assi: Privat

Trumpip nunatsinnut pisinissamik isummersornera Nuummiunit quianaagineqarpoq

Amerikami præsidentip Donald Trumpip, Kalaallit Nunaat pisiarerusullugu eqqarsaatersortoq nutaarsiassaqartitsivik Wall Street Journal tallimanngorninngulersoq allaaserinnippoq. Tamanna isumassatsialaanngitsoq Nuummi naapitat ilaat isumaqarput.

USA-p præsidentiata Kalaallit Nunaat pisiariniarlugu arlaleriarluni eqqarsaatigisarsimavaa.

Amerikami aviisimi pissaaneqarluartumi  Wall Street Journalimi oqaloqatigineqartut kikkuunerminnik isertuussisut taama oqarput.

KNR-ip tallimanngornermi ullaap tungaani Nuuk Centermi naapitaasa ilaasa tamanna isumassarsiatsialaannginnerarpaa.

  

Josef Joelsen:

Nunatsinniillutit amerikami innutaassuseqarlutit takorloorsinnaaviuk?

- Naamerluinnaqqissaaq, naamik saperpara.

Donald Trumpip nunatsinnut pisiumasimanera qanoq isumaqarfigaajuk?

- Illarnaannarpoq aappaatigut, paasiuminaallunilu nunarput qanoq akilerlugu pisiarerusussinnaaneraa, naliitsuugami. Immaqa USA vakassagaluarparput.

Mikael Ludvigsen:

Nunatsinniillutit amerikami innutaassuseqarlutit takorloorsinnaaviuk?

- Naamerluinnaq, naamerluinnaq!

Donald Trumpip nunatsinnut pisiumasimanera qanoq isumaqarfigaajuk?

- Isumaqarpunga ilumoorutinngikkaa aamma tatiginanngitsuugami inuk taanna. Upperinngilara taanna, piviusuunngitsinik oqariataartartortoqaagami taanna præsidenti. Uppernassuseqanngitsumik præsidentimik aatsaat takuvunga.

 

Mike Thomsen:

Nunatsinniillutit amerikami innutaassuseqarlutit takorloorsinnaaviuk?

- Naamik!

Donald Trumpip nunatsinnut pisiumasimanera qanoq isumaqarfigaajuk?

Soorunalimi isumaqarpunga sunaluunniit sunaluunniit  nunarsuarmiittoq nuna sunaluunniit pisiarineqarsinnaanngitsoq. Qanorluunniit aningaasanik akilerlugu isaasalerlugu pisiaritigigaluaraanni nuna pigilerneqarsinnaanngilaq. Aamma asuli inuup taamaattup oqaasii qanoq uppernartigippat? Sulisuunniit qammarsualiortoqarnikuunngilaq, uffa taanna qineqqusaarutiginikuugaa. Soqutigivallaanngilara, asuleernertut isigivara taamaaliortoqarsinnaanngilaq 2019-imiippugut.

Jensine Lerch:

Nunatsinniillutit amerikami innutaassuseqarlutit takorloorsinnaaviuk?

- Ilaana takorloorsinnaavara. 

Donald Trumpip nunatsinnut pisiumasimanera qanoq isumaqarfigaajuk?

- Immaqami pitsaanerussaaq qallunaaniit aqunneqarunnaarutta, taanna aamma ajunngitsutut isumaqarfigisinnaavara.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat