Trumpip nittartakkakkut attaveqatigiittarfinnut peqqussut atsioraa
USA-p præsidentia, Donald Trump, præsidentip peqqussutaanik sisamanngornermi atsiorpoq, nittartakkakkut attaveqatigiittarfiit illersorneqarnissaannut inatsimmik allannguinissamut periarfissiisumik.
Taama pisoqarpoq nittartakkakkut attaveqatigiittarfik Twitter Trumpip allakkatigut qinersisarneq pillugu Twitterimut ikkusaani ilumoortuuneranik qulakkeerinnittumik twittermærkemik siullermeerluni ikkussimmat, allakkatigut qinersineq ilumunnginnerarneqarluni.
AAMMA ATUARUK Twitter Trumpip saqqummiussaanik siullerpaamik erseqqissaassuteqartoq
Trump oqarsimaneragaavoq, nittartakkakkut attaveqatigiittarfiit eqqartuussisutigoortumik inatsisartut akuersiseqqaartinnagit eqqartuussisulersuunneqarsinnaannginnerannut inatsit allanngortinnianngikkuniuk atorunnaarsinniarlugu.
Eqqartuussisulersuunneqarsinnaanngimmata atuisuisa qanoq allannerannut akisussaatitaasinnaanngillat.
Peqqussulli tatiginassuseqanngitsoq Stanford Universitymi internetimut inatsisinik ilisimasalik Daphne Keller oqarpoq.
- Peqqussut 95 procentimik isiginnaartitsissutaavoq. Oqalunneq inatsisitigut tunngaveqanngitsoq, taanna oqarpoq.