Kina tunillatsissimasut pillugit pisortatigoortumik kisitsisit eqqortut saqqummiunnagit kusassaasimagunartoq, præsidentip Donald Trumpip tusagassiortunik pingasunngornermi katersuutsitsinermi taatsiarpaa. - Qanoq ililluta paasisinnaassavarput kisitsisit saqqummiunneqartut eqqortuunersut? Trump oqarpoq.Assi: Mandel Ngan/AFP/Ritzau Scanpix

Trumpip Kina coronavirusertut amerlassusaannik kusassaasimasutut pasigaa

Isertortumik paasiniaasartut nalunaarusiaat naapertorlugu Kina coronavirusimik toqquteqartut amerlassusaannik eqqortumik nalunaaruteqarsimanngitsoq, USA-mi tusarfiit tusagassiorfimmut nalunaarutigaat.

Isertortumik paasiniaasartut nalunaarusiaat naapertorlugu Kina coronavirusimik toqquteqartut amerlassusaannik eqqortunik nalunaaruteqarsimannginneragaavoq.

USA-mi tusarfiit tusagassiorfimmut taama nalunaaruteqarput.

Kina coronavirusimik tunillatsissimasut pillugit eqqortunik nalunaaruteqarunanngilaq, tunillatsissimasut toqquteqartullu pillugit aamma nalunaarsuisarsimannginneragaavoq.

Isertortumik paasiniaasartut nalunaarusiaat isertortoq præsidentip illorsuanut tunniunneqartoq, atorfillit kinaassutsiminnik isertuussisut taama nalunaaruteqartut, nutaarsiassaqartitsivik Bloomberg News allaaserisaqarpoq.

AAMMA ATUARUK USA Kinaminngarnit coronaviruseqarfiunerulersoq

Kina tunillatsissimasut pillugit pisortatigoortumik kisitsisit eqqortut saqqummiunnagit kusassaasimagunartoq, præsidentip Donald Trumpip tusagassiortunik pingasunngornermi katersuutsitsinermi taatsiarpaa.

- Qanoq ililluta paasisinnaassavarput kisitsisit saqqummiunneqartut eqqortuunersut? Trump oqarpoq.

Johns Hopkins Universityp kisitsisaatai naapertorlugit Kinami inuit 3300-it sinnerlugit toqquteqarsimapput, inuillu 82.000-it tunillatsissimasutut nalunaarsorneqarsimallutik, tamatuma saniatigut inuit 76.000-it peqqissereersimasut.

USA-mi inuit toqquteqartut pingasunngornerup unnuaani 5000-nit ikinnerunngitsunik amerleriarput. Inuillu 210.000-t tunillatsissimasutut nalunaarsorneqarsimallutik. Inuillu 8500-it sinneqartut peqqissereerlutik.

Isummersuutit