Trumpip ikiorsiissut tusind milliardinik nalilik akueriumanngikkaa
Amerikami coronap ajornartoortitsinerani ikiorsiissut annertooq nutaaq amerikami innuttaasunut, pisortallu suliffeqarfiutaasa ingerlaannarsinnaanissaanut tunngasoq nalorninartorsiutigineqarpoq.
Præsident Donald Trump sisamanngornermi tupaallatsitsingaatsiarpoq, taassumami ikiorsiissutissatut pilersaarutigineqartoq allamik ilallugu qaavatigut 2.300 milliarder dollarinik ilassuteqarusuppoq, præsidentilli atsiornissaa amigaataavoq.
Partiit marluk tassalu demokraatit republikanerillu ikiorsiissummut allannguutissannik illuatungeriillutik siunnersuutiminnik imminnut akerlileqattaarput, imminnullu akerlileqattaaginnarnerat Senatenut ilaasortat Repræsentanternes Husimilu naggataatigut pissusilersuutaannut naammagiliipput.
Illuatungiliuttut immineerlugit Ikiorsiissutissatullu siunnersuutigineqartoq Trumpip atsiussagaa taakku kaammattuuteqarput.
- Ilaqutariinnut annertuumik ilungersortunut, suliffissaaleqisunut, suliffeqarfinnut minnerusunut, una ikiorsiissutissaq iluaqutaangaatsiartussaavoq, peqqinnissaqarfiillu suliassaqarpallaartut, atuarfiit allarpassuarnullu ikiorsiissut una partiinit tamanit anguniarneqartoq akuersissutigineqarpat, annertumik iluaqutigineqangaatsiassaaq.
/ritzau/Reuters