Reuters/Ipsos naalagaaffinni arfinilinni, tassa Wisconsimi, Pennsylvaniami, Michiganimi, North Carolinami, Floridami Arizonamilu isumasiuisimapput.Assi: Jonathan Ernst/Reuters/Ritzau Scanpix

Trumpip Biden USA-p naalagaaffiini qinersinermi naligiiffiukkajuttuni angujartuaaraagooq

USA-mi præsidentinngorniuttut, Trump Bidenilu, nalagaaffinni qinersinermi naligiiffiukkajuttuni qinersisoqarnissaanut ullut arfiniliinnanngortut naligiittorujussuusut inunnik isumasiunermi erserpoq.

USA-p præsidentia Donald Trump Floridami qinersisartut akornanni amerlanerujartuinnartunit tapersersorneqalerpoq. Nutaarsiassaqartitsiviummi Reutersip inunnik isumasiuisartut Ipsos suleqatigalugit inunnik isumasiuinerata kingulliup maanna takutippaa, Trumpip demokratillu sinnerlugit qinigassanngortittup Joe Bidenip akornanni naligiittoqartorujussuanngortoq.

USA-mi præsidentimut novembarip ulluisa pingajuanni qinersisoqarnissaanut sapaatit-akunneraajunnaartorlu qinigassanngortittut naalagaaffimmi Arizonami aamma naligiittorujussuusut kisitsisit takutippaat.

AAMMA ATUARUK USA-medier: Debat hjalp ikke Trump med at indhente Biden

Reuters/Ipsos naalagaaffinni arfinilinni, tassa Wisconsimi, Pennsylvaniami, Michiganimi, North Carolinami, Floridami Arizonamilu isumasiuisimapput.

Naalagaaffiit taakku Trumpip præsidentitut aappassaanik qinigaanissaanut, unammillertaataluunniit Joe Bidenip Det Hvide Husimut qinigaanissaanut pingaaruteqarput.

Joe Biden isumasiuinerni tamani siuttuugaluartoq naalagaaffinni arlalinni assigiinngissut ima annikitsigaaq allaat naligiilluinnartutut taasariaqarlutik.

AAMMA ATUARUK USA-mi præsidentinngorniuttut qinersinnginnermi kingullermik oqallissasut

Nuna tamakkerlugu isumasiuinerit ataatsimut isigigaanni Joe Biden siuttuulluarpoq.

USA-mi qinersisinnaatitaasut akornanni 70 millionit sinnerlugit qinersereerput, qinersisoqarnissaatalu tungaanut amerliartuinnavillutik.

US Election Projectip University of Floridameersup nalunaarsugaasa tamanna takutippaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat