Trumpip 9/11 7/11-ilu paarlaakkai

New Yorkimi najugallit ullumik eqqaamasaqarunik illoqarfiup World Trade Centeria peqqarniisaarnianit saassunneqarnerani ulloq nine ellevenitut ilisimaneqartoq septembarip aqqarnat 2001 eqqaamasarpaat.
Assi © : Gage Skidmore/Flickr Creative Commons
Allattoq Karsten Sommer
apriilip 19-at 2016 11:06
Nutserisoq Connie Fontain

Taamaammallu republikanerip præsidentimut qineqqusaartup Donald Trumpip præsidentinngorniunneq sioqqullugu partiit sassartitassaminnik New Yorkimi ullumi qinersinissaat sioqqullugu, ippassaq oqalugiaateqarnermini nine eleven - peqqarniisaarnianit saassunneqarnera New Yorkimiunut eqqaassallugu aalajanngiussimavaa. 

Saassussisoqarnerali eqqaagamiuk Donald Trump kukkusumik oqartoorpoq. 

- Tamaaniillunga politiit qatserisartullu World Trade Centerip nakkaateqqammernerani seven elevenimi takuakka, Trump oqarpoq. 

Donald Trumpip kukkulluni oqartoornera uani takusinnaavat 

Seven Eleven pisiniarfiup ateraa, taannalu nunarsuarmi sumiiffinni assigiinngitsuni pisiniarfeerarpassuaateqarpoq, peqqarniisaarnianillu saassussisoqarneranut attuumassuteqarnani. 

Oqartoornerali præsidentinngorniunneq sioqqullugu partiit sassartitassaminnik New Yorkimi ullumi qinersinissaannut kinguneqassanersoq, republikanerit præsidentissatut qineqqusaarneranni aallartitat 95-it taasinerisa unnugu paasinarsitissavaat.

 

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq