Trumpimut unnerluussutit Trumpip eqqartuussissuserisuinit isorineqarput, politikkikkut malersuiniarnertutut taallugit, kanngunnaannartutullu aamma nalilerlugit.Assi: Jonathan Ernst/Reuters/Ritzau Scanpix

Trumpimut unnerluussutit itigartitsissutigineqarnissaat piumasarineqartoq

Trumpimut unnerluussutit kanngunaannarput, tamanna suliap senatimi marlunngornermi aallatinneqannginnerani eqqartuussissuserisut senatimi saqqummiunniagaasa imaqarniliaani atuarneqarsinnaavoq.

Donald Trumpip naalakkersuinermi akisussaasumut eqqartuussivimmut sassartinneqarnissaanut atatillugu unnerluussutit itigartitsissutigineqarnissaat, Trumpip eqqartuussissuserisuisa Senatimut saqqummiussisoqannginnerani piumasaraat.

Suliap senatimi marlunngornermi aallatinneqannginnerani eqqartuussissuserisut senatimi saqqummiunniagaasa imaqarniliaani tamanna atuarneqarsinnaavoq.

Unnerluussutit itigartitsissutigineqarnissaat, præsidentillu pinngitsuutinneqarnissaa, eqqartuussissuserisut senatimut inassutigaat.

Ukraine paasissutissanik tamakkuninnga pissarsinngippat, Ukrainep illersornissaqarfikkut ikiorserneqarnerata maangaannaq kipitinneqarsinnaanera præsidentip sioorasaarutigisimagaa pasilliutigineqarpoq.

AAMMA ATUARUK Trump: Suliaq naammassilertupallakkumaarpaat

Trumpimut unnerluussutit Trumpip eqqartuussissuserisuinit isorineqarput, politikkikkut malersuiniarnertutut taallugit, kanngunnaannartutullu aamma nalilerlugit.

Trumpip pasilliutit tamakku ajoqusiiniarluni malersuiniarnertut nammineq nalilerpai, kukkusumillu iliuuseqarsimannnginnerarluni.

Trump, senatimi suliap aallartinnerani nammineq najuunnavianngilaq, aallaqqagamimi.

Taanna Schweizimut ippassaq ataasinngornermi apuuppoq, nunat pisuujunerpaat World Economic Forumimik taallugu Davosimi ataatsimiinnissaannut peqataassalluni.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat