Trump USA-mi nunami ajornartoorfeqarnermik nalunaaruteqartoq
USA-mi suliffeqarfiit tamanna pillugu attaveqaqatigiinnermut atortunik Kinami tunisassiortumit Huaweimit tunisassiarineqartunik piseqqusaajunnaarsinneqarput. Huaweimi USA-mi isumannaallisaaniarnermut ulorianartoq Trumpip naalakkersuisoqataasalu nalilerpaat.
Akeqqat nunanit allaneersut naalagaaffiup paasissutissaannut attaveqaqatigiinnermullu atortuinut isersinnaannginnissaat pillugu USA-mi nunami ajornartoorfeqarnermik nalunaarutiginnittoqartoq, USA-p niuernermut ministerip Wilbur Rossip oqaatigaa.
AAMMA ATUARUK Norgemi isertortumik paasiniaasartut paasisaat Nunatsinni ernumassutissaanngillat
Kinamiut suliffeqarfissuat Huawei, Tele-Post aqqutigalugu bredbåndimut atortorissaarutinik nunatsinni atuisunut pilersuisuuvoq, immallu naqqatigut kabelip Nuummiit Aasiannut tallineqarneranut Huawei aamma peqataasimalluni.
Norgep isertortumik paasiniaasuisa Kinamit internetikkut akornusersuisoqarsinnaaneranik ukioq manna februaarimi mianersoqqussutaa, Tele-Postip pisortaanerata Kristian Reinert Davidsenip maluginiarpaa:
- Kinami tunisassiortunut tunngatillugu ajornartorsiutaasut sivitsulersumi atuupput, taakkununngalu tunngatillugu allatut isummissanerluta nalilersortuarparput. Tele Postip pisortaanera oqarpoq.
/ritzau/
