Trump USA-mi ilisimatuunit isumaqatigineqanngilaq
Amerikamiut naalakkersuisuisa nalunaarusiaanni annertuumi tamanna inerniliunneqarpoq, taamaalillunilu USA-p præsidentiata ministeriisalu silap pissusiata allannngoriartorneranik upperinninnatik oqartarnerat illuatungilerneqarpoq.
- Ukiut untritillit kingullit ingerlannerani silaannnaap kiatsikkiartuinnarnera allanik nassuiaatissartaqanngilaq, nalunaarusiami ilisimatuunit 50-nik sinneqartunit suliarineqartumi aamma allassimavoq.
Nalunaaarusiami inerniliunneqartoq, nunarsuarmi ilisimaatuut amerlanerparujussuisa ukiuni arlaqartuni oqariartuutigisimasaat taperserneqarpoq:
Tassalu nukissiuutit orsussaanit aniatinneqartut pissutigalugit nunarsuarmi silaannaq kiatsikkiartormat, tamatumalu malitsigisaannit immat qaffapput, qarsutsinersuaqartarpoq, panernersuaqartarluni anorersuarussuillu akulikinnerulerlutik.
USA-p præsidentiata Donald Trumpip silap pissussiata allanngoriartorneranik oqartarneq kinamiut salluliornerannit pissuteqarnerarlugu arlaleriarluni oqaatigisarpaa, silallu pissusia pillugu nunarsuaq tamakkerlugu isumaqatigiissummit Parisimi isumaqatigiissutigineqartumit USA peqataatikkunaarniarlugu junimi nalunaarutigaa.
