Apeqqut taanna soqutiginarsivoq, New Yorkimi eqqartuussivimmi Manhattenimi suliarineqarmat.

Tassani suliffeqarfik kukkunersuisarfik Mazars LLP aamma aningaaseriviit marluk Deutsche Band Capital Bank One-lu unnerluussisuutitamit Cyrys Vancemit peqquneqarput Donald Trumpip niutarfiutilittut ingerlatsinerata nalaani paasissutissanik tunniusseqqullugit.

Paasissutissat akileraarutissatut peqquserluttuliornermut suliamut atorneqartussaapput.

AAMMA ATUARUK Trump aningaasaateqarfimminit atornerluisimanini pissutigalugu millioninik akiligassinneqartoq

USA-mi præsidentip inatsisilerisuuisa tunngaavilersuutigisimavaat, præsidentitut issiasup qaqugukkulluunniit pinerluttulerinermut paasiniaarnernut tunngatillugu eqqartuussissutigoortinneqarsinnaannginnera.

Amerikami inatsisinut atuuttitsinermut minsteqarfiata maleruaqqussai, inatsilerituut innersuussutigaat.

Tunngavilersuut taanna pillugu amerikami eqqartuussiviit qullersaanni eqqartuussisut qulingiluaasut taakkunnga arfineq marluk isumaqataanngillat.