Trump: Suliaq naammassilertupallakkumaarpaat

USA-p præsidentiata, Donald Trumpip, naalakkersuinermi akisussaasumut eqqartuussivimmut sassartinneqarneranut atatillugu suliap naammassineqapallannissaa, Trumpip nammineq naatsorsuutigaa.
Trumpip naalakkersuinermi akisussaasumut eqqartuussivimmut sassartinneqarnissaanut unnerluussutit Senatimut ippassaq sisamanngornermi tunniunneqarput. Assi © : Win Mcnamee/AFP/Ritzau Scanpix
Allattoq Ritzau
januaarip 17-at 2020 11:45
Nutserisoq Mads Lynge

Suliaq senatimi aallartineqaqqammersorlu Trump taama oqarpoq.

- Suliaq sukkasuumik naammassineqarumaartoq isumaqarpunga, Donald Trump, præsidentip allaffianit Det Ovale Værelsemit taama oqarpoq.

- Illuinnaasiorneruvoq. Peqquserluttuliorneruvoq. Inuit nalunngilaat peqquserluttuliornerusoq, Trump taama oqarsimasoq, nutaarsiassaqartitsiviup AFP-p allaaseraa.

Suliffeqarfiutillip Lev Parnasip, Trumpip Ukrainemut tunngatillugu iliuuserisimasaanut atatillugu pasilliutai, Trumpip nammineq, eqqartuussissuserisuataluunniit Rudy Giulianip, Parnasimut attuumassuteqannginnerat oqaatigaa.

- Kinaanersoq naluara, oqaloqatigisimanngisaannarunarparalu, Trump oqarpoq.

AAMMA ATUARUK Trumpimut unnerluussutit ullumi taasissutigineqassasut

Trumpip naalakkersuinermi akisussaasumut eqqartuussivimmut sassartinneqarnissaanut unnerluussutit Senatimut ippassaq sisamanngornermi tunniunneqarput.

Donald Trumpip Ukrainep præsidentia, Volodymyr Zelenskij. oqarasuaatitigut siorna juulimi oqaloqatigaa, Trumpillu USA-mi præsidentimut ukioq manna qinersinissamut atatillugu unammillertigisassarigunagaata, Joe Bidenip, ernerata, Hunter Bidenip, Ukrainemut attaveqarnerata Zelenskijp misissuiffigissagaa, Trumpip oqarasuaatitigut oqaloqatigiinnermi kimigiisissutigisimagaa, aviisip The Wall Street Journalip siorna septembarimi allaaserereeraalu Trumpip naalakkersuinermi eqqartuussivimmut sassartinneqarsinnaanissaa oqallisigineqalerpoq.

Trumpimut unnerluussutit senatimi saqqummiunneqareersullu Donald Trump Twitterikkut ima allappoq:

- Oqarasuaatitigut oqaloqatigiinneq pissusissamisuuginnartoq aallaavigalugu naalakkersuinermi akisussaasumut eqqartuussivimmut sassartinneqarnissara aalajangerneqarpoq!