Inatsisartunut ilaasortaq ataasiinnarluuniit nunarput Conan O'Brienimut tuniniarlugu peqquserlulluni akileqqunngilaq.Assi: Malik Brøns

Trump sinnerlugu Nunarput pisiariniarsarivaa – itigartinneqarlunili

TV-kkut quiasaarisartoq Conan O’Brienip sapaatip-akunnerani qaangiuttumi arlalinnik assiliisartoqarluni Los Angelesimiit Nuummut aallarpoq.

Nunarput nunani tamalaani tusagassiorfinni sapaatit-akunnerani qaangiuttumi ulluni arlalinni eqqartorneqangaatsiarpoq. Pissutaa: Amerikap præsidentiata Donald Trumpip Nunarput pisiarinialikkersaarmagu.

Naalakkersuisut siulittaasuata, Kim Kielsenip danskillu Ministeriuneratalu Mette Frederiksenip, nunarput tuniniagaanngitsoq erseqqissaatigereeraluaraat, pisinumaneralu “isumaqanngilluinnarneraraluaraat”, amerikkarmioq illarsaarisartumut Conan O’Brienimut uninngilaq.

AAMMA ATUARUK Ilisimatooq: Trumpip naapinnera peqqusiileqinassagaluarpoq

Taanna Los Angelesimi aallakaatitsivimmiit arlalinnik assiliisartoqarluni nunatta niuerutiginissaanut isumaqatiginninniarluni Nuummukarpoq. Donald Trumpip nunarput pisiarinialikkersaarmagu quianarluinnartuusoq, quiasaarisartoq KNR-imut oqarpoq.

- Tamanna anguneqarsinnaanngilaq, ilaa? Conan O’Brien oqarpoq.

Immiussat ”Conan Without Borders”-imi tv-kkut, nunanut tamalaanut takornariarluni quiasaariffigisartagaani, allakaatitassaapput.

- Isumaqatigiissuteqartoqarsinnaappat, isumaqarpunga isumaqatigiissusiorsinnaallunga. Isumaqatigiissut Kalaallit Nunaannut ajunngilluinnartussaaq. Aningaasarpassuarnimmi pissarsissaasi, Conan O’Brien tusangiasaarerpaluttumik  oqarpoq.

Aningaasanoortarfiit parkillu nuannaarniartarfiit

Quiasaarisartoq aappaluttunik nujalik, Irlandiminngaanneersunit kingoqqisoq, Nuummut sisamanngormat tikippoq. Nuummilu inuit nalinginnaasut aqqusinermi naapissimavaat, aamma Inatsisartuni politikerit marluk, taakkulu Conan O’Brienip akilerniarlugit peqquserluuteqartinniarsarisimavaai. Itigartinneqarporli.

- Peqquserlullunga akilerniarakkit itigartippaannga, unneqqarissugamik. Tassa imaappoq, USA-mut tulluutinngitsuusut, Conan O’Brien oqarpoq.

USA-lli nunarput pisiareriataassagaluarpagu, taassuma nunarput ajunngilluinnartumik pisassaqassanerarpaa:

- Aningaasarparpassuusussaapput, nereriaannarnik nioqqutissarpassuaqassaaq, Maluginiakkama ilaat tassaavoq maani angallaffiuallaanngitsoq, uagullu angallannerujussuarmik pilersitsissaagut. Nunarsi kusarnarpoq, aningaasanoortarfinnut parkinullu nuannaarniartarfiusunut inissaqarluarporli.

AAMMA ATUARUK Trumpip tapersersortai T-shirtimik nunatsinnik USA-mi naalagaaffiulersitsinermik assitalimmik nioqquteqartut

Nunatsinni allanngortitassaasa siullerpaartaat, quiasaarisartup qularinngilaa.

-Golfertarfik. Golftertarfeqarpusi Golf-klubbimik taaguutilimmik. Tamanna allanngortariaqassaaq. Mikivallaarpoq, aamma golfertarfimmi biilernissamut inissaqanngilaq. Golfertartut biiliinik pisariaqartitsisissaaq, Donald Trumpip nissuni 1955-imili atornikuunngilai.

Nersualaarineruvoq

USA-p nunarput 1946-mi 100 millionit dollarsilerlugu pisiarinialikkersaarsimagaluaraa, CNN allappoq. Aningaasat naleerukkiartornerat ilanngukkaani ullumikkut taakkua 1,3 milliardit dollarsiussagaluarput. Quiasaarisartorli isumaqarpoq nunarput suli naleqarnerujussuusoq.

- Maaneereernerma kingorna aki taanna tagginneqartoq appasippallaarujussuarpoq, Billion dollarsillu qaangerujussuarlugit naleqarpoq. Gazillion-imik aamma taasisoqarnikuuvoq

Amerikarmiut nunatta soqutiginninnerat tulluusimaarutigissagipput, taanna nangilluni oqarpoq:

AAMMA ATUARUK Trumpip taamaatitsiinnarnera ajunngilluinnarpoq

- Arlaat illit illunnukaruni oqarlunilu: Illut assut kusanaq, pisiarerusuppara, taava tulluusimaarutigissagaluarpat. Uanga isumaqarpunga, Kalaallit Nunaata paasisariaqaraa, USA oqarpat: "Nuna taanna pigerusukkaluaqaara", tamanna nersualaarinnerusoq. Angerlarumalu amerikkarmiut oqaluttussinnaavakka, Kalaallit Nunaat tupinnartuusoq. Kusanaqaaq, inuilu assut inussiarnersuullutik quiasaartuullutillu. Tamaaniinnera nuanneqaaq.

Conan O'Brienip nunatsinniinerminut atatillugu aallakaatsitassiaata kanaalimi TBS-imi septemberip pingajuani aallakaatinneqarnissaa pilersaarutaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat