Trump qitiusumik aningaaserivissuarmut nalinginnaanngitsumik saassussisoq
- Aningaaserivissuaq uannut siooranarnerpaavoq, Trump ilaatigut oqarpoq.
USA-p præsidentiata nunap qitiusumik aningaaserivissuanut tunngasumik taama oqarnera qaqutigoortuuvoq.
Donald Trumpili aningaaserivissuaq siulittaasualu Jerome Powell, Fox Businessimit apersorneqartilluni saassuppaa.
Trumpip aningaaserivissuaq marloriarluni sapaatip-akunnerata siuliani isornartorsiorpaa. Aningaaserivissuup ernianik qaffanniarnera Trumpip ernumanartoqartippaa, nunallu aningaasarsiorlualerneranik eqquinissaa ernummatigalugu.
Siornatigut præsidentiusimasut aningaaserivissuarmik aamma isorinnittarsimapput.
Trumpilli oqaasii sakkortunerupput. Aningaaserivissuarmi silaqanngitsuliortutut sianiitsuliortutullu taareerpaa, allaallumi ilaguutiasutut taallugu.