Assi: Gage Skidmore/Flickr Creative Commons

Trump Nunatsinni illorsualiorniarnani neriorsuisoq

Amerikamiut præsidentiat, Donald Trump Nunatsinni Trumpip illorsuaanik sananiarnani neriorsuutigaa.

Trump nittartakkatigut attaveqaqatigiittarfikkut, Twitterikkut allappoq tassuunalu Nunatsinni nunaqarfimmit assimi illorsuaq portusooq kuultimik qalipaatilik Trumpimik allagartaqartoq qarasaasiakkut ikkunneqarsimavoq.

- Kalaallit Nunaannut taamaaliorniarnanga neriorsuutigaara, præsidenti danskit nalunaaqutaat naapertorlugu marlunngornerup unnuaani allappoq.

Assi Twitterikkut siusinnerusukkut siammarterneqarnikuuvoq, tassalu ”Kalaallit Nunaat ukiut qulit qaangiuppata” oqaasertarineqarluni.

Trumpip Kalaallit Nunaannik pisinissani ”aaqqissuussaanikkut” soqutigalugu sapaatip akunnerata naanerani uppernarsarpaa, Kalaallit Nunaatali pisiarinissaa ”pingaarnerpaannginnerarlugu”.

Nunatta pisiarineqarsinnaanissaa Naalakkersuisut siulittaasuata, Kim Kielsenip danskillu ministeriunerata, Mette Frederiksenip sapaatip akunnerata siuliani itigartitsissutigaat.

Amerikamiut præsidentiat Danmarkimut septembarimi tikeraassaaq, pilersaarulli eqquutsissanerlugu sapaatip akunnerata naalerani qularinerarpaa.

Donald Trump Danmarkiliassaguni Kim Kielsenilu naapinnissaat pilersaarutaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat